மே 1ம் தேதி மங்காத்தா பாடல் வெளியீடு!

மங்காத்தா படத்தையே மே 1ம்தேதி ரீலிஸ் செய்ய திட்டமிட்டிருந்த படக்குழுவினர், படத்தின் சூட்டிங் இன்னமும் முடியாததால் அன்றைய தினம் மங்காத்தா பாடல் வெளியீ்ட்டு விழாவை நடத்த முடிவு செய்துள்ளனர். டைரக்டர் வெங்கட்பிரபு இயக்கத்தில் அஜித் -  த்ரிஷா ஜோடி நடிக்கும் படம் மங்காத்தா. இவர்கள் தவிர அர்ஜூன், பிரேம்ஜி அமரன், லட்சுமிராய், அஞ்சலி உள்ளிட்டோர் நடிக்கும் இப்படத்தினை கிளவுட் நைன் மூவிஸ் சார்பில் தயாநிதி அழகிரி தயாரிக்கிறார். யுவன் சங்கர் ராஜா இசையமைக்கிறார். படத்தின் இறுதிகட்ட சூட்டிங் விறுவிறுப்பாக நடந்து வரும் நிலையில், பாடல் காட்சிகளுக்காக வெளிநாடு செல்லவிருக்கிறது மங்காத்தா டீம். பாடல்கள் சூட்டிங் முடிந்த பின்னர் படத்தி்னை ரீலிஸ் செய்வதற்கான பணிகள் நடைபெறும் என்று ஏற்கனவே மங்காத்தா குழு அறிவித்திருந்த நிலையில், மே 1ம்தேதி மங்காத்தா இசை வெளியீட்டு விழாவை பிரமாண்டமாக நடத்த முடிவு செய்திருக்கிறார்கள்.
படத்தின் சூட்டிங் தொடங்கிய காலகட்டத்தில் இருந்தே அஜித்தின் பிறந்த நாளான மே 1ம்‌தேதி மங்காத்தா திரைக்கு வரும் என்ற அறிவிப்புடனேயே சூட்டிங் நடந்து வந்தது. சூட்டிங்கில் ஏற்பட்ட தாமதத்தால் அன்றையதினம் ரீலிஸ் செய்ய முடியாத நிலை ஏற்பட்டது. இதனால் ஏமாற்றமடைந்த ரசிகர்களை உற்சாகப்படுத்தும் வகையில் மே 1ம்தேதி மங்காத்தா பாடல்களை வெளியிட திட்டமிட்டுள்ளனர். பாடல்கள் வெளியிட்ட பின்னர் ஓரிரு வாரங்களில் மங்காத்தா படம் ரீலிஸ் செய்யப்படும் என்று டைரக்டர் வெங்கட்பிரபு தெரிவித்துள்ளார்.