அர்ஜூனுக்கு, அஜித் தந்த உற்சாக வரவேற்பு

அஜித்தின் மங்காத்தா படத்தில் ஆக்ஷன் கிங் அர்ஜூன் நடிப்பது அனைவரும் அறிந்ததே. முதல்நாள் சூட்டிங்கிற்கு வந்த அர்ஜூனுக்கு, நடிகர் அஜித் உற்சாக வ‌ரவேற்பு அளித்துள்ளார்.

க்ளவுடு நைன் மூவிஸ் சார்பில் தயாநிதி அழகிரி தயாரிப்பில், டைரக்டர் வெங்கட் பிரபு இயக்கும் படம் "மங்காத்தா". இதில் ஹீரோவாக அஜித்தும், ஹீரோயினாக த்ரிஷாவும் நடிக்கின்றனர். இவர்கள் தவிர லட்சுமி ராய், வைபவ், அஞ்சலி உள்ளிட்ட பலர் நடிக்கின்றனர். இந்த மங்காத்தா ஆட்டத்தில் ஆக்ஷன் கிங் அர்ஜூனும் சேர்ந்துள்ளார். முன்னதாக அர்ஜூன் கேரக்டரில் நாகர்ஜூன் நடிப்பதாக இருந்தது. ஆனால் கடைசியில் அவர் நடிக்க மறுத்துவிட்டார். இதனையடுத்து தான் அர்ஜூனை நடிக்க வைத்துள்ளனர்.

முதல்நாள் சூட்டிங்கிற்கு அர்ஜூன் வந்தபோது, அஜித் அவருக்கு உற்சாக வரவேற்பு அளித்துள்ளார். அன்றைய தினம் அஜித்திற்கு சூட்டிங் இல்லையாம். இருந்தாலும் அர்ஜூன் முதல்நாள் சூட்டிங்கிற்கு வந்ததால், அவரை வரவேற்க வந்தாராம். அஜித்தின் வரவேற்பை பார்த்து, அர்ஜூன் உள்ளிட்ட படக்குழுவினரே வியந்து போனார்களாம்.